Nangin madinalag-on naman ang pagpadulong sang presidente sang pungsod kag mga senatorial candidates sa ciudad sang Victorias, Negros Occidental agud nga magpatigayon sang campaign rally.
Sa interview sang Bombo Radyo Bacolod kay Police Lt. Terrence Paul Sta. Ana, Chief of Police sang Victorias City Police Station, nangin matawhay ang pagpatigayon sang campaign rally apisar nga nabuta ang colliseum kag ang iban ang yara pa sa bakante nga lugar sagwa sang gym.
Suno kay Sta. Ana bisan nga short notice na ang pagpahibalo sa ila nga sa Victorias patigayunon ang campaign nagpasalamat ini nga natigayon man kag naplastar man ang security plan kag natuman man ang mando ni Police Brigadier General Jack Wanky paagi sa guidance ni Negros Occidental Police Provincial Office Director Police Col. Rainerio De Chavez nga nasiguro ang seguridad sang presidente kag mga senatorial candidates.
Nagpasalamat ini sa media nga nagbulig sa pagpalapnag sang impormasyon angot sa mga ginadumilian nga mga butang nga dal-on sa colliseum.
Suno diri, bisan nagtraffic kag may kabudlayan sang parking, natigayon man nga mamanage kag natapos ang event sang matalunsay.
