Gin-anunsyar ni Canadian Prime Minister Justin Trudeau ang iya resignation sang Lunes kag ginpahayag nga magabiya na ini sa opisina kun makapili na ang ruling Liberal party sang bag-o nga leader matapos ang binulan nga pagnubo sini sa mga polls kag internal division.
Sa isa ka press conference, ginpahayag ni Trudeau, nga nagapungko na sa pwesto humalin sang 2015, nga tinutuyo sini nga magresign bilang party leader, bilang prime minister, matapos nga nakapili ang partido sang bag-o sini nga leader.
Indi pa sa karun maathag kun tubtob san-o magapabilin si Trudeau sa opisina bilang isa ka caretaker premier.
Suno diri, ang Liberal leadership race ang mangin isa ka robust, nationwide competitive process.
Ini ang nagapatimaan nga si Trudeau ang magapadayon sa pagpamuno sa Canada kun magtake office na si US President Donald Trump subong nga bulan kag siya ang hatagan sang responsibilidad sa paglead sang initial response sang pungsod sa bag-o nga administrasyon sang Estados Unidos.
