Bulan sang Mayo subong nga tuig ang ginalantaw nga mainagurahan na ang Cancer Care Center nga nahamtang sa Corazon Locsin Montelibano Memorial Regional Hospital (CLMMRH).
Sa interview kay Bacolod City Lone District Congressman Greg Gasataya, malapit na nga matapos ang construction sang Cancer Care Center kag sang nakaligad nga semana nag-abot naman kag natalana nga i-install ang mga elevator.
Suno kay Gasataya nakapasa na sang listahan sang equipments ang CLMMRH sa Department of Health, nagabalor sa kapin P50 million kag magabulig facilitate ang opisina sang kongresista agud nga matigayon ini.
Kapin P34 million ang pondo nga gintalana para sa construction sang proyekto nga ginakinahanglan para sa expansion sang regional hospital sa tinutuyo nga mas madamo pa nga mga pasyente ang mabuligan sa palaabuton.
