Ginpulihan kastigo sang pila ka menor de edad ang isa ka cancer patient sa Barangay Cabug, Bacolod City.
Sa interview sang Bombo Radyo Bacolod sa cancer patient, nagwa ini bangud mahampang sila sang basket sang iya nga abyan.
Apang madamo sang nagahampang sa court gani mabalik nalang ini kuntani, sang siya ang ginhangkat sang isa ka menor de edad nga mag-sparring.
Wala ini magsugot, apang sa ulihi siya ang napilitan kadungan sa kondisyon nga sila ang dapat may gloves.
Bangud wala sang gloves, naglakat nalang ini apang siya ang ginsumbag kag ini ang natumba.
Ginpulihan man ini sang mga kaupod sang menor de edad nga nagpanghangkat sa iya.
Nakadalagan ini agud nga magpalagyo apang nakabunggo pa ini sa gate sang mga balay sa lugar.
Sa karun nagabanog ang tiil sang cancer patient kag natalana nga ipacheck sa orthopedic bangod sa posibilidad sang fracture.
Samtang natalana naman nga makitaay sa Barangay ang biktima kag ang mga nagkastigo diri.
Sa interview sang Bombo Radyo Bacolod sa iloy sang ginkastigo nga cancer patient, gilayon ini nagpablotter sa kapulisan.
Suno sa iloy, sang tinalikdan pa nga bulan natabo ang pagpangastigo kag wala ini makahibalo kun wala nag trending sa social media bangpd wala man nagpanugid ang iya nga bata.
Suno sa iloy ang iya bata ang wala na nagagwa sa ila balay luwas nalang kun mag jogging upod sang iya mga abyan.
Suno diri, Wala siya makahibalo kun ano ang iya himuon sang nahibaluan nga nakastiguhan ang iya anak.
Dugang pa sini, ginalikawan niya nga mastress ang iya bata bangud mahimo nga matrigger liwat ang cancer cells sa iya lawas.
Ginpanyahag man sini nga wala gid kaagi nga ginsakit sini ang iya bata, apang ginkastigo lamang sang iban.
Padayon man sa karun ang ila follow-up check-up bangud indi pa fully recovered ang iya bata sa cancer.
Dugang pa sang iloy nga ginhawa man nila ka halong ang ila bata kag gingastuhan sang dako para mag-ayo apang ginsakit lamang sang iban nga tawo.
Sa karun ginahulat nalang nga makaatubangay sila sa Barangay kag desidido ini nga pasakaan sang kaso ang nagkastigo sa iya bata.
