Ginpasalamatan sang mga bombero sang Canlaon City, Negros Oriental ang pag-ulan nga nagdugay sang kapin isa ka oras sang Martes, Abril 8 nga nagpalong sang kalayo sa grass fire nga nagluntad sa eastern nga portion sang Bulkan Kanlaon matapos ini nga nag-alburuto.
Sa interview sang Bombo Radyo Bacolod kay Fire Officer 2 Boniegier Acaso, Admin Officer sang Canlaon City Fire Station, nagpadulong ang mga ini malapit sa grass fire kun sa diin sa Barangay Masulog sila nag-agi mga pasado alas-5:00 sang hapon sang Abril 8 apang sang alas-9:00 sang gab-i nag-ulan nga nagdugay sang kapin isa ka oras gani napalong ang grass fire.
Dako ang pagpasalamat sang mga ini sa pag-ulan.
Madumduman nga natabo ang grassfire kasunod sang minor explosive eruption sang Bulkan Kanlaon nga may dala nga ashfall kag
superheated ballistic fragments.
Nagpanugyan man ini nga dapat masami mangin alerto ilabi na sa nagakatabo sa palibot.
