Ginkompirmar sang presidente sang Negros Occidental Progressive Alliance of Capitol Employees (PACE) nga nabaton na nila ang kopya sang Administrative Order sang presidente nga nagatugot nga mahatagan sang Special Recognition Incentive (SRI) ang mga government employees para sa tuig 2020.
Sa interview sang Bombo Radyo Bacolod kay Renelo Lastierre, nagdihon na sila sang sulat kag gin-attached ang bag-o nga ginpasar sang national government nga mando nga paghatag sang Special Recognition Incentive (SRI).
Suno kay Lastierre, nakahangop man ang mga empleyado sang kapitolyo probinsyal nga nakabase ang bonus sa savings sang probinsya.
Ginkompirmar man sini nga kalabanan sang mga bonuses sang mga empleyado ang nahatag na kaangay sang Productivity Enhancement Incentive (PEI); Collective Negotiation Agreement (CNA) Bonus; Incentive Benefit for Exemplary Services (IBES); kag isa ka bulan nga 13month pay.
Kabug-usan nga P40 mil ang nabaton nga bonus sang mga provincial capitol employee apang madugangan pa ini sa tion nga may mabaton sila nga SRI.
Ginpahayag man sini nga nadala ang mga casual employees sang probinsya ang mga job orders ang wala gani nagdihon man sila sang sulat kag ginpadala sa opisina sang gobernador sang probinsya agud mahatagan man sang gamay nga pinutos para sa bag-ong tuig sang mga Job Orders.
Nagpanawagan man ini sa mga empleyado nga bayluhan sang nagakaigo nga serbisyo ang mga bonus nga ila nabaton.
