Nangin madinalag-on ang pagpatigayon sang Car Free Sunday sa Lacson Street, Bacolod City, kaina sang aga.
Suno kay Bacolod City Mayor Alfredo ‘Albee’ Benitez, ginalauman sini nga magdamo pa gid ang magapartsispar sa pag-jogging, walking, zumba kag pag-exercise alas- 5:00 tubtob alas- 9:00 sang aga kada Dominggo.
Samtang, maga-esturya pa ini sa IPM sa pag-adjust sang oras sa pagkuha sang basura agud nga malimpyo na ang dalan antes pa man ang pagsira sang dalan para sa mga naga-exercise.
Mahimo man nga makabaligya ang pila ka mga vendors sa dalan Lacson.
Samtang, pagapanilagan pa ang car free sunday sa sulod sang isa ka bulan kun mangin tayuyon nga madinalag-on ang pagpatigayon sang Car Free Sunday.
Samtang, suno naman kay Bacolod Traffic Authority Head Patrick Leonard Lacson, succesful ang Car Free Sunday kag wala man sang reklamo ukon major incidents nga nagluntad may kaangtan sa pagpatuman sang road closure.
