Nangin madinalag-on ang ginpatigayon nga Caravan kag paglibot sang Sacred Relic ni St Padre Pio of Pietrelcina sa Bacolod City kahapon, Setyembre 21, 2026.
Sa interview sang Bombo Radyo Bacolod kay Atty. Mitch Abella, Propagation Head, Spiritual Children of St. Padre Pio, ginakabig sini nga madinalag-on ang ginpatigayon nga caravan bangud lubos sila nga ginbaton sang nagkalain-lain nga eskwelahan kag nagpadulong man sila sa Corazon Locsin Montelibano Regional Hospital.
Ginkalipay man sini ang pagbaton sang nasambit nga ospital sa relic kag ginpangamuyuan man ang tanan nga mga nagamasakit.
Suno kay Abella, ang Our Lady of Peace and Good Voyage Parish sa Barangay Sincang-Airport ang may yara sang tatlo ka relics ni St Padre Pio of Pietrelcina .
Ang relics amo ang isa ka butang ukon kabahin sang lawas sang Santos kun sa diin may yara sa Parokya amo ang bayo nga may dugo ni Padre Pio.
Suno kay Abella, ang first class relics amo ang kabahin sang lawas sang nasambit nga Santos; second class ang kabahin sang mga butang nga gingamit sini samtang siya ang nagakabuhi pa kag ang 3rd class relics amo ang bisan ano nga butang nga nakatandog sa first class relic.
Ang relics ni Padre Pio ang nakalab-ot sa Our Lady of Peace and Good Voyage Parish matapos nga ginpasa ni late Rev. Fr Fernando Suarez, isa ka healing priest nga nagpadulong sa ciudad sang Bacolod.
