Patay ang 20 anyos nga lalaki nga caretaker sa manokan matapos ginbuno sa payag sa Prk New Site, Brgy Minoyan, Murcia alas-12:50 kaina sang kaagahon.
Ang biktima ang ginkilala lamang nga si Alyas Ensoy, caretaker, residente sa nasambit nga lugar.
Sa inisyal nga imbestigasyon, ginpahayag sang kaupod sini nga si Alyas Bandolf nga hinali sila nga ginsulod sang apat tubtob lima ka mga wala makilal-an nga lalaki, kag nagmando nga wala sang may maghulag.
Hinali nalang ini nga ginlampusan sang matig-a nga butang sa ulo gani nadulaan ini sang pangalibutan.
Sang makabugtaw, nakita sini nga naga-ungot pa ang kutsilyo sa natuo nga dughan ni Ensoy samtang ini ang nagahamyangon malapit sa pwertahan sang payag.
Gilayon man nga ginhingagaw dala sa Murcia Health Center ang biktima apang ini ang gindeklarar nga dead on arrival.
