Nagtambong ang two-time Olympic gold medalist nga si Carlos Yulo sa ikalima nga State of the Nation Address (SONA) ni President Ferdinand “Bongbong” Marcos Jr. sang Lunes sa Batasang Pambansa.
Ginpakigbahin ni Yulo sa iya nga social media post nga isa ka dako nga kadungganan para sa iya ang makatambong sa SONA.
Kalakip sa iya post ang mga litrato kaupod nanday House Speaker Bojie Dy kag Senator Risa Hontiveros.
Kadungan sini, nagpanawagan ang gymnastic star sang padayon nga pagsuporta sa pagpasanyog sang sports sa pungsod agud mas madamo pa sang kabataan nga magpaninguha kag mapakita ang ila nga talento.
Ginkalipay man sini ang paghatag sang pagtamod sang presidente sa importansya sang sports kag sa kontribusyon sang mga atletang Pilipino sa “health and fitness” sa mga pumuluyo.
Ginkilala man ni Marcos ang mga kadalag-an ni tennis ace Alex Eala sa international stage.
Ginpabutyag man sang presidente ang paglaum nga mapasangkad man ang football nga sport sa pungsod.
