May mga tawo gid nga tuman ka abilidaran kaangay lamang sa nagdangat sa kapin duha ka adlaw ang pagpangita sang mga otoridad sa isa ka carnapper nga nagpanago sa lunangon nga lugar ukon swamp nga may yara pa sang buaya sa Florida, USA.
Ang lalaki ang wala maangkaban sang buaya apang siya ang nakadtan sang ido.
Ini man ang rason nga nadakpan siya sang mga otoridad pagkatapos sang 36 ka oras sang nabatian nila nga nagsinggitan ini.
Naabtan sang K9 ang suspek, ginkagat ang batiis sini kag wala ginbuy-an tubtob nakaabot ang mga otoridad.
Ang suspek ang isa sa tatlo ka mga lalaki nga ginaalegar nagkawat sang isa ka truck sa Volusia County.
Una na nga naaresto ang duha sini ka kaupdan.
Sa karon, lunsay na priso ang mga suspetsado kag napasakaan na sang nagakaigo nga kaso.
