Natigayon na nga nahatag ang cash reward sa Local Government Units nga nakapasa sa Seal of Good Local Governance (SGLG) 2023.
Suno kay Atty. Teodora Sumagaysay, provincial director sang Department of the Interior and Local Government, Negros Occidental, ginpatigayon ang awarding sang Martes sa DILG Regional Office sa probinsya sang Iloilo.
Gin-awardan ang probinsya sang Negros Occidental sang P4 million pesos.
Samtang ang ciudad naman sang Cadiz, Escalante, Himamaylan, San Carlos, Sagay, Victorias kag Talisay ang nakabaton sang tag P2.3 million; kag ang banwa sang Manapla kag La Castellana ang nakabaton sang tag P1.8 million cash award.
Suno kay Sumagaysay, ang cash award nga nabaton sang mga LGU’s ang ila gamiton depende sa ila proposed nga project kun sa diin kalabanan ang luyag nga maggamit sang ila nga nakuha nga award para sa infrastructure project, disaster related project kag peace and order.
