Nagresign na ang cashier sang Bacolod City Treasurer’s Office nga nagtamper ukon nagretoke sang resibo sang isa ka traffic violator.
Suno kay Bacolod City Legal Officer Atty. Romeo Carlos Ting Jr., Abril 26, nagpasa sang resignation letter nga effective immediately ang empleyado.
Suno diri, inid na ini malagas pa sang ciudad para sa administrative case bangod nga nagresign na ini sa trabaho.
Samtang, ang sabat naman sini sa gindagdag nga notice to explain amo nga nahimo lamang sini nga ginsulat gamit ang ballpen ang amount sa resibo bangod nga sadto nagbrown-out kag wala sang internet kag computer nga magamit para mag-generate sang printed nga receipt.
Sa karun padayon pa ang pag-imbestigar sang City Treasurer’s Office bangod nga may natukiban nga duha ka resibo nga ginretoke man nga nakapangalan sa empleyado.
Samtang, ang ini nga regular employee ang wala sang batunon nga benepsiyo gikan sa Local Government Unit.
