Ginbag-o sang Philippine Institute of Volcanology and Seismology (PHIVOLCS) La Carlota City Substation ang category sang paglupok sang Bulkan Canlaon sa “Moderately Explosive Eruption” gikan sa anay “Phreatic Eruption”.
Sa interview sang Bombo Radyo Bacolod kay Darryl Arro, science analyst gikan sa PHIVOLCS La Carlota, ginrevise nila ang status bangod sa nakita nga mga palinupok nga nagresulta sa pagtimbook sang aso nga nagdangat sa 5,000 meters.
Indi kaangay sa Phreatic Eruption nga steam-driven lamang, ang paglupok kagab-i ang may upod nga abo kag magagmay nga mga bato.
Paathag naman ni Arro nga sila ang wala pa sang may namonitor nga lava flow.
Kagab-i ginpasaka naman sa Alert Level 2 ukon increasing unrest ang status sang bulkan, kun sa diin sa sulod sang 24 oras sila ang nakarecord sang 77 ka volcanic earthquakes kag duha ka volcanic-tectonic earthquake.
Sila ang nakakita gihapon sang land deformation kag sila ang nagapatigayon naman sang degassing sa bulkan.
Paathag sini nga kun may-ara sang land deformation kag maglapad ang gas piremeter ini ang mahimo magresulta sa magmatic eruption.
Sa Alert Level 2, kinahanglan ang immediate evacuation sa mga Barangay nga yara sa sulod sang 4km radius permanent danger zone nga ginalakipan sang Barangay Codcod, Mailum, Pula, Mananawi kag Ara-al sa Canlaon City, Negros Oriental.
Bangod ang huyop sang hangin ang nagahulag southeast, gani nagadangat sa Bacolod City ang baho sang asupre.
Bangod mahina lamang ang pagmadlos, gani ang mga Barangay nga malapit sa bibi sang bulkan amo ang mas labi nga nahalitan sang mga rock kag ash falls.
Pasalig ni Arro nga padayun ang ila monitoring sa parameters kun kinahanglan na nga panaugon sa Alert Level 1 ang status sang bulkan.
