Ginpanawagan sang Catholic Bishops’ Conference of the Philippines (CBCP) director for Broadcast Catholic Media Network nga likawan ang pagpalapta sang peke nga balita nga nagtaliwan na ang Santo Papa.
Sa interview sang Bombo Radyo Bacolod kay Father Francis Lucas, nagapanawagan ini sa publiko nga magpangamuyo para sa ikaayong lawas ni Pope Francis.
Suno diri, padayon nga mapisan ang Santo Papa kag ini ang nagayuhom kag naga-esturya pa sa mga tawo nga maatubang sini bisan pa sa iya kabudlayan.
Sa karun stable na ang iya lung kondiyson apang may nakita naman nga may sakit ini sa kidney.
Suno kay Lucas, antes pa man nangin Santo Papa si Pope Francis, may yara na sang damage ang isa sini ka baga.
Pahayag ni Lucas, likawan ang pagpalapta sang fake news matapos nga makapila na ini makakita sang balita nga nagtaliwan na ang Santo Papa.
Kaangay na lamang sang picture nga iya nakita nga nagahigda sa opsital si Pope Francis, may oxygen mask apang nagasuksok sang sotana sang Santo Papa.
Suno diri, magpati lamang sa mga lehitimo nga balita kun sa diin mas nagapanguna nga sandigan amo ang statement mismo sang simbahan.
