Ginpili ni Pope Francis ang Presidente sang Catholic Bishops’ Conference of the Philippines (CBCP) nga si Kalookan Bishop Pablo Virgilio David bilang bag-o nga cardinal kaupod ang 20 ka iban pa nga clergymen nagikan sa nagkalain-lain nga bahin sang kalibutan.
Ini ang gin-anunsyar sang Santo Papa sa iya Angelus prayer sa Vatican sang Domingo.
Suno sa iya, ang consistory sa paghimo sang bag-o nga mga cardinals ang patigayunon sa Disyembre 8, 2024, pila ka adlaw antes ang pagbukas sang Jubilee Year sang 2025.
Si David ang yara na sa iya ikaduha nga term bilang Presidente sang conference sang Filipino bishops, pwesto nga iya gina-uyatan humalin sang 2021.
Sa isa ka interview sa Vatican News, ginpahayag ni David nga ginhambalan ini ni Pope Francis nga siya ang madamo sang nahibaluan sa sitwasyon sa Pilipinas.
Suno sa iya, ginbuksan sini ang iya mga parokya para sa drug rehabilitation kag nagapati ini nga ini ang pamaagi sa pagluwas sang kabuhi.
