Reviewhon sang Sangguniang Panlunsod members sang syudad sang Bacolod ang CCTV ordinance agud nga magamit sa pagsolbar sang krimen kaanggay sang shooting incidents.
Sa interview sang Bombo Radyo Bacolod kay Bacolod City Vice Mayor El Cid Familiaran nga ang mga nagluntad nga shooting incidents may yara na sang grupo sang mga suspeks ang natumod sang mga kapulisan kag nafile na sa korte ang kaso kag may yara sang lima ka kaso nga natalana nga ipasaka sa korte.
Suno kay Familiaran maayo man ini nga development kag ang importante sa karun ang crime solution agud nga mabalik ang pagsalig sang mga pumuluyo sa mga otoridad.
Ginpahayag man sang bise alkalde nga ang syudad sang Bacolod ang may yara sang mataas nga crime solution kun sa diin nagdangat sa 93 percent.
Suno diri kinahanglan nga may yara sang apat ka CCTV ordinances ang syudad sang Bacolod nga kinahanglan nga reviewhon bangud ang mga kapulisan kag ang prosecutors office ang ginarequire sang court clearance agud nga maka-access.
Apang ginpahayag ni Familiaran nga sa nadumduman sini nga ang CCTV ordinance sang syudad ang wala nagakinahanglan sang court order ang mga kapulisan sa tion nga mag-access sa cctv footage.
Ginpahayag man sini nga may yara sang ginadihon nga CCTV ordinance si Councilor Al Espino nga nagarequire sang tanan nga mga establishments nga magbutang CCTV kag ginalantaw man sini nga dapat ang Business Permit and Licensing Office(BPLO) ang dapat magrequire sa mga establishments nga magkuha sang licensed to operate.
Suno pa sa alkalde dapat nga functional ang installed CCTV sang mga establishmento.
