Padayon ang monitoring sang City Disaster Risk Reduction Management Office (CDRRMO)- Bacolod sa bagyo Enteng kag Hangin habagat.
Sa interview sang Bombo Radyo kay Jose Evram Vera, Section Chief sa Research and Planning Section sang DRMMO- Bacolod, wala sang may narecord nga flooding incident sa ciudad samtang nagapadayon ang ila monitoring sa mga areas nga malapit sa suba.
Ini ang ginalakipan sang Lupit River, Mandalagan River, Banago kag Mambuloc Creek, Tangub river, Cabalagnan Creek, Pahanocoy creek, Sum-ag river kag Magsungay river.
Suno diri hugot nga ginabantayan ang posible nga pagsaka sang tubig bangod sa ulan nga dala sang Bagyo Enting nga ginpabaskog sang Southwest Monsoon.
Santo naman sa weather advisory sang Philippine Atmospheric, Geophysical and Astronomical Services Administration (PAGASA), maeksperyensyahan ang moderate to heavy rainfall tubtob bwas nga adlaw.
