Gindeny sang Department of Agrarian Reform ang cease and desist petition nga ginfile sang 15 ka Agrarian Reform Beneficiaries (ARBs) batok kay Paul Chang angot sa duta sa Hacienda San Antonio 2, Barangay Dos Hermanas, Talisay City, Negros Occidental.
Sa interview sang Bombo Radyo kay Negros Occidental Department Of Agrarian Reform Program Officer 2 Teresita Mabunay, gindeny ang ila petition bangod kulang ang papeles sang ARBs nga ginpresentar batok kay Paul Chang.
Suno diri, wala sang main case nga ginfile kag ini ang ginderetso ang pagfile sang petition para sa cease and desist order.
Madumduman nga ang duta madugay na nga gina-awayan kun sin-o ang matuod nga nagapanag-iya tubtob nga nagluntad na ang insidente nga may yara sang nagtaya kag nagpalupok sang armas-luthang sa mga ARBs sang nakaligad nga mga binulan.
Ginpakigbato sang mga ARBs nga ang duta ang ginapa-arriendohan lamang ang duta kag may yara sila sang Certificate of Land Ownership Award (CLOA) apang may yara sang napakita nga dokumento sang Sale of Rights ang kampo ni Paul Chang.
Samtang, mahimo man sang ARBs magfile sang motion for reconsideration para mareview ang request sang cease and desist petition.
