MARIUPOL, UKRAINE – Nag-anunsyar ang defense ministry sang Russia sang ceasefire kahapon agud nga pahanugutan ang mga residente sang duha ka Ukrainian Cities nga ginalakipan sang Mariupol kag Volnovakha agud nga maka-evacuate.
Apang ginpahayag sang mga local officials sa Mariupol nga ginhold ang evacuation kag gina-akusar sang mga ini ang Russian forces nga nagbayolar sa ceasefire.
Wala paman sa karun sang ginpagwa nga komento natuhoy diri ang Russian army.
Ang southern city sang Mariupol sa Azos Sea nga may populasyon nga 450,000 ka mga pumuluyo ang nag-umpisa na kuntani sang evacuations, kadungan sa pahayag sang city hall nga posible na nga makahali sa syudad pinaagi sa private transport.
Ginpaathag sang ministry nga ang lokasyon sang humanitarian corridors kag exit poiunts ang nadeterminar na santo sa kasugtanan sa Ukranian authorities.
Madumduman nga ang Russian forces ang naga-operar na sa Ukraine humalin pa sang Pebrero 24.
Santo sa United Nations, masobra na sa 1.2 million nga mga indibidwal gikan sa Ukraine kag nagpadulong sa mga kaingod nga mga pungsod.
