Ginpahayag sang key mediator nga Qatar nga ang mga negosasyon para sa isa ka truce sa Gaza kag hostage release deal ang yara na sa final stages kag nagalaom ini nga makalab-ot sang isa ka agreement sa tuman kadali nga tinion.
Ang Qatar, Egypt kag Estados Unidos ang mas ginpasanyog pa ang ila efforts agud magbroker sang isa ka ceasefire agud mapahanugutan ang kahilwayan sang mga hostages nga yara sa karun sa Gaza humalin sang pagpang-atake sang Hamas sa Israel sang Oktubre 7, 2023.
Sang Lunes, ginpahayag ni US President Joe Biden nga ang isa ka deal ang malapit na lamang nga mafinalize, pila ka adlaw antes ang inagurasyon sang iya successor nga si Donald Trump.
Sang Martes, ginpahayag ni Qatar foreign ministry spokesman Majed al-Ansari nga yara na sa final stages ang mga negosasyon.
Suno diri, nalab-ot na nila ang punto kun sa diin ang mga major issues nga nagatapna sa pagkatigayon sang isa ka deal ang na-address na.
