Pormal na nga nangin epektibo ang ceasefire sa tunga sang Israel kag Lebanon nga nag-umpisa kahapon, Abril 17.
Ini ang ginalauman nga magatapos sang anum ka semana nga gyera sa tunga sang Israel kag Lebanese armed group nga Hezbollah.
Apisar may ginkasugtan na nga ceasefire, padayon gihapon sa pagpang-atake kag paglunsyar sang rocket ang Hezbollah sa northern Israel samtang nareport man nga nagpangbomba man ang Israel makaligad ang tunga sa oras sang nangin epektibo ang ceasefire.
Ginpakigbato man sang Israel nga magapabilin ang ila nga tropa sa mga lugar nga ila gina-tiniran sa southern Lebanon.
Samtang pila naman ka Lebanese ang amat-amat na nga nagbalik sa nabagatnan nga bahin sang Lebanon, nga nangin sentro sang mga pagpang-atake sa Israel, kag ginapatihan isa ka kuta sang Hezbollah.
Madamo man ang nagselebrar sa dalanon sang nagkalain-lain nga bahin sang Lebanon matapos nangin epektibo ang ceasefire.
