Nagtakop na kahapon ang Palarong Pambansa 2023 kun sa diin nangin overall champion ang National Capital Region samtang first runner up naman ang Western Visayas.
Ang mga tagdaog makakuha sang premyo nga P100,000 sa champion, P75,000 sa first runner up, P50,000 sa second runner up, P40,000 sa third runner up kag P30,000 sa fourth runner up.
Sa elementary level, National Capital Region ang champion, Region 6 bilang first runner up, Region 4A bilang second runner up, region 3 bilang third runner up kag region 10 bilang fourth runner up.
Sa secondary lavel, National Capital Region ang champion, region 4A bilang first runner up, region 6 bilang second runner up, region 7 bilang third runner up, kag region 11 bilang fourth runner up.
Kag sa overall champion, undefeated sa gihapon ang National Capital Region bilang champion sa Palarong Pambansa sa 85 gold, 74, silver kag 55 bronze medal; region 6 naman ang first runner up sa 60 gold, 45 silver, kag 44 bronze medal; region 4A second runner up, 52 gold, 52 silver, kag 57 bronze medal; region 3 third runner up 28 gold, 33 silver, kag 46 bronze medal; kag region 7 fourth runner up 26 gold,18 silver, 35 bronze medal.
Yara kahapon si Vice President kag DEPED secretary Sara Duterte sa paghatag sang award sa mga winners.
Mensahe sang bise presidente, ang kompetisyon para sa tanan nga nagdaog kag napierde, apang sa mga nalutos ang ila eksperyensya ila makuhaan sang leksyon agud sila mangin tagdaog sa masunod nga palaro.
Suno diri, ang oras sang mga athletes samtang yara sa sports arena ang makapadumdum sa ila sang ila nangin sakripisyo sa paglab-ot sang ila mga handum.
Iya man ginpanugyan sa tanan nga athletes nga mangin ehemplo para sa mga masunod nga henerasyon.
Samtang, napilian naman agud mangin host sang 2024 palarong pambansa ang probinsya sang Cebu kag para naman sa 2025 palarong pambansa amo ang probinsya sang Ilocos Norte.
