Indi makapati ang chef actress nga si Judy Ann Santos-Agoncillo matapos ang once in a lifetime experience nga makaluto sa atubang mismo sang award-winning chef nga si Gordon Ramsay.
Nangin highlight sa pagbisita ni Ramsay sa Pilipinas ang pagpatigayon sang cooking demonstration kun sa diin ginpakigbahinan ni Juday kag sang iban pa nga mga content creator chefs.
Sa facebook post sang aktres, ginpahayag sini nga surreal ang experience sini kag ginpasalamatan sini ang mga indibidwal nga nagsuporta sa iya kag nagbulig sa pagpreparar.
Sa cooking demonstration, sa sulod sang napulo ka minutos dapat ang mga ini magapreparar sang halo-halo nga isa sa mga dessert nga ginapabugal sang mga Filipino.
Ginlaragway man sang celebrity chef ang iya nga experience nga “nerve wrecking 10 minutes” sang iya kabuhi.
Si Ramsay ang nagpadulong sa pungsod kadungan sa pagbukas sang iya restaurant sa Manila.
