-- ADVERTISEMENT --
Ginpahayag sang People Magazine kag TMZ nga nagbulaganay na ang American singer-songwriter nga si Katy Perry kag ang aktor nga si Orlando Bloom.
Nagkilalahay ang duha halin sang 2016 matapos sila nga magkilalahay sa Golden Globes afterparty.
Sang May sang amo nga tuig, ginhayag nila sa publiko ang ila relasyon sang magtambong sila sa Cannes Film Festival kag nag-post sa Instagram.
Suno sa People, tuig 2017 pa sang natapos ang relasyon nanday Katy kag Orlando apang nagpabilin sila nga mag-abyan. Sang 2018, nagbalikanay naman sila.
Nag-propose si Orlando kay Katy sang Valentine’s Day sang 2019 kag natalana na kuntani nga magpakasal sa Japan sang 2020 apang ginpaiway ini bangud sang COVID-19 pandemic.
-- ADVERTISEMENT --
