Ginpahayag sang chairperson sang committee on environment and ecology sa ciudad sang Bacolod nga malapit na lamang mapuno ang isa ka cell sa Sanitary Landfill sa Barangay Felisa, Bacolod City.
Sa interview sang Bombo Radyo kay Councilor Homer Bais, isa sa problema nga ila nakit-an sa Sanitary Landfill amo ang ginalauman nga mapuno na sang cell no. 4 sa Disyembre kag dapat preparahan na ang pagpadugang sang cell.
Suno diri, mangita pa ang ciudad sang budget para sa construction sang bag-o nga cell bangod wala ini nalakip sa kontrata.
Pahayag ni Bais, santo sa kontrata dapat 400 tonnes per day ang ginakolekta nga basura sang IPM apang wala man nagalab-ot sa amo nga volume ang makolekta nga basura.
Ginavalidate pa sa karun kun may yara sang bayolasyon sa pagmanage sa landfill.
