Ginahangkat sang convenor sang Power Watch ang mga board of directors Central Negros Electric Cooperative (CENECO) nga iimplementar ang mando sang Energy Regulatory Commission nga bayaran ang overcharged rates sa mga member-consumers ukon magpagwa sang official statement kun ngaa indi nila ini mahimo.
Suno kay Wennie Sancho, wala ginpatuman sang CENECO ang mando sang ERC nga bayaran kag hatagan sang refund ang mga member-consumer apang kun ang konsumedor ang indi makabayad sang kuryente, kadasig lamang sa ila mang-utod.
Suno diri, apisar nga nagfile ang CENECO sang motion for reconsideration, indi ini makapugong sa pagpatuman sang rebate sa mga konsumedor.
Suno kay Sancho, maskin P300 ukon P400 lamang kuntani nga rebate sa monthly bill, dako na ini nga pasalamatan.
Suno sa iya, nagapakita lamang ang ini pagtuman sang electric cooperative sang mando sang ERC nga wala nila ginarespeto ang mga konsumedor kag ginatake for grantedang interest sang mga member consumer.
Nagapanindugan ini nga ang kwarta ang ginapanag-iyahan sang mga konsumedor kag indi nila luyag nga magbayad sang kuryente nga wala nila ginconsume.
Gani ginahangkat sini ang BOD sang CENECO nga iimplementar ang mando ukon magpagwa sang official statement.
Kun indi ini matabo suno sa iya, sila ang magapatigayon sang mass protest bangud sa pagbayolar kag indi pagrespeto sang ila kinamatarong.
