Nagpagwa sang scheduled Power Interruption ang Central Negros Electric Cooperative (CENECO) sa pila ka bahin sang ciudad sang Bacolod sa Sabado kag Dominggo, alas-6:00 sa aga tubtob alas-6:00 sa gab-i.
Sa Sabado, Disyembre 13, natalana ang Scheduled Power Interruption sa service area sang ASDES-Gonzaga Feeders 1 to 6.
Samtang sa Domingo, Disyembre 14, natalana ang Scheduled Power Interruption sa service area sang Alijis Feeders 1 to 7.
Ini para sa pagpatigayon sang preventive maintenance kag integrity testing sang 30 megavolt amperes (MVA) power transformer kag related accessories.
Kasubong man magapatigayon sang degassing sang 30 megavolt amperes power transformer, correction sang hotspot kag secondary cable re-insulation.
Paga-islan man ang mga gabok na nga primary poles ukon poste kag magapatigayon sang tree clearing activities.
