Ginkasubo sang general manager sang Central Negros Electric Cooperative nga may yara sang pagsaka sa generational costs sa electric bill sa masunod nga billing period.
Sa interview sang Bombo Radyo Bacolod kay Atty. Arnel Lapore, nasubuan ini bangud magasaka naman ang electric bill sang mga kunsumidor.
Apang gin-athag sini nga ang generational cost ang kabangdanan sang pagsaka sang electric bill.
Suno kay Lapore, madumduman sang nakaligad nga semana, nagpanaog sang yellow alerts ang Department of Energy bangud sa ginakulang energy reseves.
Suno diri ang pagsaka sang sukot sang generational costs ang agud ibayad sa mga generators sang mga planta.
Ang pagsaka sa electric bill ang magatake-effect sa katapusan nga bulan sang Mayo.
Nahibaluan nga santo sa advisory sang Central Negros Electric Cooperative magapatuman sang pagsaka sa residential rate nga P3.2066/kwh gani magadangat na sa P15.1632 ang bayran sang mga kunsumidor per kilowatt/hour.
Samtang nagapasalamat man ang CENECO sa NEPC nga nagabulig sa ila agud nga mapahagan-hagan ang pagluntad sang brownout sa franchise area sini.
