Central Negros Electric Cooperative, nagalaom sang bulig gikan sa Negros Electric Power Corporation (NEPC)

Ginalauman sang General Manager sang Central Negros Electric Cooperative (CENECO) nga maga-umpisa na sa Mayo 15 ang pagbulig sang Negros Electric Power Corporation (NEPC).

Sa interview sang Bombo Radyo Bacolod kay Atty Arnel Lapore, magabulig na ang NEPC sa response team sang CENECO sa tion sang power interruption.

Ginalauman man sini nga kapin sa isa ka bulan na lamang ang hulaton antes nga maaprubahan ang prangkisa sang NEPC.

Samtang, nagpasalig naman ini sa mga empleyado sang CENECO nga sila ang may trabaho sa gihapon sa NEPC kag dapat nga kabigon ang NEPC bilang partner sa pangabuhi bangod tinutuyo lamang sini nga maghatag sang maayo nga serbisyo.