Nagapabor ang Central Negros Electric Cooperative (CENECO) sa lihok ni Bacolod City Mayor Alfredo Benetiz nga ipa-eksplikar sa Energy Regulatory Commission (ERC) kun ngaa lain-lain ang ginaapply nga rate sang electric cooperative apisar nga isa lamang ang power supply, nga amu ang Palm Concepcion Power Corporation.
Sa sulat nga ginpadala sang alkalde kay Hon. Monalisa Dimalanta, chairperson sang ERC kag CENECO, ginkwestiyon sini nga kun ngaa ang ang latest rate sang electric cooperative ang yara sa P14.69 per kilo watt hour samtang may isa pa gid ka item nagikan sa PCPC nga mas manubo ang rate kag yara lamang sang P10.27 per kilo watt hour.
Suno kay Atty. Chuchie Destriza, officer-in-charge General Manager sang CENECO, gin-athag sini nga nagsaka ang rate bangud sa pagsaka man sang fuel cost.
Suno kay Destriza, sang Disyembre 5, may ginpatigayon nga committee hearing sa Kongreso kun sa diin yara man ang ERC kag ginraise ini nga issue ni Congressman Greg Gasataya.
Didto, ila natigayon nga natsekyar ang kontrata.
Suno sa iya, ang power generator ang nagakuha sang coal fired power plant nagikan sa Indonesia kag Australia.
Suno diri, kun Indonesia ang supplier, mas manubo ang charge samtang ang Australia naman ang lima ka pilo nga mas mataas ang charge.
Suno sa iya, ang ERC, nga amu ang regulatory body sang tanan nga generation, transmission kag distribution utilities gani sila ang may function ukon responsibilidad nga tsekyaron ang tanan nga ginasumbit sang general kag lantawon kun ang tanan nga ginacharge sa distribution utility ang valid expenses.
Suno sa iya, pass through lamang sila gani kun pila ang ginabakal, amu mana ang ipasa sa CENECO ukon sa iban nga electric cooperative.
