Ginpatigayon sa syudad sang Victorias ang ceremonial destruction sa nakumpiskar nga open pipes.
Ini ang kasunod sang pagpatuman sang mga kapulisan sa City Ordinance No. 08-2013 kun sa diin nakasaad diri nga wala sang ginapahanugutan nga magdrive sang motorsiklo sa syudad sang Victorias nga wala nagagamit sang mufflers ukon silencers.
Ginpangunahan sang Victorias City Police Station sa pagpamuno ni Pol. Lt. Col. Roy Rodrigo B. Gutierrez ang ceremonial destruction sa nakumpiskar nga open pipes sang mga motorsiklo.
Nagdangat sa 320 ka bilog nga open pipes ang ginpangguba kag ini ang nakumpiskar humalin sang June 29, 2020 tubtob sa karun.
Ang seremonya ang ginpatigayon matapos ang awarding sang traffic enforcers para sa may pinakamadamo nga naaresto nga mga traffic violators.
Gintambungan man ang seremonya ni Victorias City Mayor Javi Benitez.
