Alas-3:00 subong nga hapon, nag-abot si President Ferdinand ‘Bongbong’ Marcos Jr. agud pangunahan ang ceremonial turn-over sang P10,000 nga cash assistance para sa mga mangunguma kag mangingisda nga nahalitan sang El Niño phenomenon sa idalum sang Presidential Assistance for Farmers, Fisherfolks and Families (PAFFF).
Ang aktibidad ang ginpatigayon sang football field sang University of Negros Occidental – Recolletos (UNO-R) kun sa diin nagdangat sa 8,315 ang natumod nga mga benepisyaryo.
5,000 sa mga ini ang gikan sa probinsya sang Negros Occidental samtang ang masobra tres mil ang gikan sa nagkalainlain nga Barangay sa ciudad sang Bacolod.
Apang makadali lamang ang Presidente bangod ini ang may iban pa nga lugar nga patigayunan sang kaangay nga aktibidad gani ini ang nagpanguna lamang sa ceremonial turn-over para sa napulo ka benepisyaryo.
Kasunod sini ang mga pondo ang ihatag na sa local government unit, kag amo na ang magapanagtag sa nabilin nga benepisyaryo.
Kaina temprano pa nga napuno ang area kun sa diin alas-6:00 sang aga pa lamang amat-amat na nga naga-abot ang mga salakyan gikan sa nagkalainlain nga bahin sang probinsya.
Magluwas sa financial assistance, may mga ginpanghatag man nga mga binhi, abono, mechanical tools kag macheneries sa pila ka mga farmers association.
