Nagapangayo sang kooperasyon ang media relations officer sang Vallacar Transit Inc. sa mga pasahero nga sundon ang mga pagsulundan sa tion nga magsakay sa ceres bus bilang precautionary measures batok sa COVID-19.
Sa interview sang Bombo Radyo Bacolod kay Jade Seballos, madugay na nila ginapreparahan ang pagbalik sang biyahe kag ginapatuman na nila ang social distancing kun sa diin 50 porsyento sang passenger capacity ang ila ginapasakay sa kada unit sang bus.
May yara man sang ginbutang nga washing area sa kada bus terminal.
Ginpahayag man sini nga nakadepende pa sa kadamuon sang pasahero ang schedule sang first trip sang Ceres bus kag lantawon pa ang ginapatuman nga curfew hours sang tagsa ka LGU bangud ini ang basehan sang last trip sang mga bus kag kun mabatak man ang curfew sarang man nga maextend ang last trip.
Alas 05:00 sa kaagahon ang schedule sang first trip sang Ceres bus.
Regular naman ang dispatching sang mga Ceres bus kag kun madamo ang pasahero, mas madasig man ang pagdispatch.
Gin-athag man sini nga province wide pa lang ang biyahe sang Ceres bus kag wala pa sang inter-island ukon padulong sa Dumaguete vice versa.
