BACOLOD CITY — Matapos ang kampanya sang Ceres Negros Football Club sa AFC Champions League, panibag-o na naman nga kampanya ang ila suguran sa AFC Cup 2018.
Sa maabot nga Pebrero 13, atubangon sang Ceres Negros ang Boeung Ket Angkor Football Club sang Cambodia sa Panaad Park and Stadium.
Kabahin ang Ceres sang Group F kaupod ang Cambodia, Shan United FC sang Myanmar kag Home United FC sang Singapore.
Isa man ini sa tatlo ka mga home games sang Negros-based football club kun sa diin ang duha nga masunod nga hampang patigayunon sa Marso 6 kontra Myanmar kag Abril 5 kontra Singapore.
Kadungan sang pagpang-imbitar, ginpasalamatan ni Warren Concepcion, tournament administrator sang Ceres Negros FC ang tanan nga fans, tumalan-aw, probinsya sang Negros Occidental sa pagpamuno ni Gov. Alfredo Marañon Jr., Mayor Evelio Leonardia sang Bacolod kag iban pa nga mga alkalde sang mga ciudad kag kabanwahanan sa probinsya nga nagasuporta sa team.
