Nakit-an na ang namissing nga Cessna aircraft sa Isabela suno sa Provincial Disaster Risk Reduction and Management Office.
Suno sa PDRRMO, ginaverify pa ang kondisyon sang piloto kag mga pasahero nga sakay sang nasambit nga eroplano.
Sang Enero 24, nagtake-off ang Cessna C206 plane RPC 1174 nagikan sa Cauayan Airport, Isabela alas 2:15 sang hapon kag padulong kuntani sa banwa sang Maconacon.
Sakay sini ang isa ka piloto kag lima ka mga pasahero.
Ulihi nga naka-communicate ang piloto sa air traffic controllers alas 2:19 sang hapon sa Naguilian.
Ginlauman ini nga mag-abot sa Maconacon alas 2:45 sang hapon apang wala ini nakalanding.
Suno sa Isabela PDRRMO, maayo ang tiyempo sang naghalin ang eroplano sa Cauayan Airport apang nangin mabaskog ang hangin sa bahin sang Sierra Madre.
