Nagpanindugan ang chairman sang committee on laws and ordinances sa Sangguniang Panlungsod nga indi na dapat magoperate ang Metro Towing Services (MTS) sa ciudad sang Bacolod matapos nga nag-expire na ang memorandum of agreement sini sa city government sang Bacolod City sadtong Disyembre 31, 2023.
Suno kay Bacolod City Councilor Al Victor Espino, base sa iya interpretasyon, kun expired na ang kontrata, dapat indi na mag operate ang towing company bangud wala pa sang gin-issue nga MOA para sa 2024.
Suno kay Espino, magluwas nalang kun may yara sang existing agreement ang BTAO kag MTS nga wala napahibalo ang Sangguniang Panlungsod.
Suno pa diri, wala man sang exclusivity ang pagkuha sa nasambit nga towing services bangud ini lang man ang towing company ang nag-apply sa ciudad sang Bacolod.
Ginpahayag man sang konsehal, sa tion nga mag parenew sang MOA ang MTS, ini ang una isumiter sa City Mayor’s Office antes i-sumiter sa SP para mahatagan sang authority to sign si Mayor Albee Benitez.
