Nagpatigayon sang presconference ang chairman sang Progressive Alliance of Capitol Employees (Pace) kahapon agud nga athagon ang ginahaboy nga black propaganda batok diri.
Sa interview sang Bombo Radyo Bacolod kay Ruben Diamante, nasakitan ini sa mga ginahaboy sa iya nga mga tinaga apisar nga maayo man ang tinutuyo sini para sa ila nga organisasyon.
Suno kay Diamante, ginatumod pa nila sa karun paagi sa pagpareview sa National Bureau of Investigation ang nagpalapta sang black propaganda kag naghambal sa iya sang indi maayo nga mga tinaga kag sa iban pa nga board of directors sang Progressive Alliance of Capitol Employees (Pace).
Suno diri, ginahalungan sini ang iya nga imahe bangud sila ang negotiating body sa administrator kag goberbador sang probinsya.
Suno kay Diamante, ang tinutuyo gid sini ang pagtrabaho sang maayo sa kapitolyo provincial kag ang pagserbisyo sini sa mga miyembro sang organisasyon ang extra nalang bangud sa pagpalangga sa iya nga trabaho kun hatagan siya sang mandato.
Ginpahayag man sini nga ginpakita man sini ang bank book sang PACE agud nga mapakita nga dako pa ang ila nga kwarta bangud nakahibalo man ini ang kwarta man ang isa sa ginhalinan sang black propaganda.
Sa karun, ginrefer na nila sa ila legal counsel agud nga mahibaluan kun ano ang sarang nila nga mahimo sa naghimo sang black propaganda kag naghambal sang indi maayo nga tinaga batok sa halos tanan nga board of directors sang PACE.
