Aminado ang chairman sang committee of tourism sang Sangguniang Panlungsod sang Bacolod nga wala ini sang ideya nga wala sang media nga gin-imbitar para sa unveiling sang Masskara Logo 2023.
Sa interview sang Bombo Radyo Bacolod kay Councilor Jason Villarosa, natingala man siya nga mansig pamangkutanay lamang sila nga kun sa diin ang mga media personnel apang wala ini sang nakita.
Suno kay Villarosa, bisan ang pinuno sang Public Information Office (PIO) sang Bacolod City nga si Carmela Gamboa ang wala man sang ideya kun may gin-imbitar nga media.
Suno diri, naplanuhan na sang Bacolod Yuhom Foundation sadto pa ang adlaw sang unveiling sang Masskara Logo 2023.
Ginpahayag man sini nga may yara sang adlaw para sa media bangud ang event kagab-i ang para lang sa paghighlight sang mga sponsors.
Nagapati man si Villarosa nga may yara sang rason ang Bacolod Yuhom Foundation nga wala nag-invite sang media entities para sa unveil sang Masskara Logo 2023.
