Pabor ang chairman sang committee on education sa Sangguniang Panlungsod sang Bacolod sa ginaduso ni incoming education secretary Sara Duterte nga reviewhon ang K-12 education system sang Pilipinas.
Sa interview sang Bombo Radyo Bacolod kay Councilor Renecito Novero, nagapabor ini sa pagreview sang K-12 education system bangud sa personal nga paglantaw sini sa nasambit nga education system nga nagakawat sang duha ka tuig sa mga estudyante agud nga malab-ot sang mga ini ang ginahandom nga kurso nga kuhaon kag nagadugang man sang duha katuig nga kabudlayan sa gasto sa bahin sang mga ginikanan.
Suno kay Novero dapat ang K-12 ang wala ginmandatory sang gobyerno sa tanan nga mga estudyante bangud sa nadumduman sini ang konsepto sa programa ang makompleto ang duha ka tuig nga kulang sa academic requirements sa magtrabaho sa luwas sang pungsod, bangud indi man tanan nga mga estudyante ang magatrabaho sa luwas sang pungsod sa tion nga ang mga ini ang makatapos na sa pagtuon.
Suno diri, kaangay lamang sang mga kabataan niya nga luyag nga mag-abugado nga dapat second year na sa law school kun wala ang K-12 apang ini ang nadelay bangud sa nasambit nga education system.
Ginapaburan man sini nga iabolish nalang sang incoming education secretary ang K-12.
Suno kay Novero kun may yara sa ulihi nga mga estudyante nga luyag nga magtrabaho sa luwas sang pungsod kaangay sang Estados Unidos, mahimo nga ini ang tion nga hatagan sang supplemental course requirements agud nga mapun-an ang kulang nga duha ka tuig nga academic requirements sabaylo nga imandatory ang K-12.
