Ginkalipay sang chairman sang Committee on Tourism sa Sanggunuiang Panlungsod ang successful nga pagpatigayon sang Miss Bacolod MassKara 2023 kagab-i.
Sa interview sang Bombo Radyo kay Councilor Jason Villarosa, nakita sini ang pagka-competitive, kalidad kag kaalam sang 15 ka mga kandidata apang nagpanginbabaw sa tanan amo si Candidate number 15 Yvonne Catamco.
Suno diri, manami ang sabat ni Catamco, magwapa kag nakahibalo si Catamco magdala sang iya kaugalingon sa competition amo nga nakuha sini ang atensyon sa tunga sang stage.
Para kay Villarosa may yara man sang mga kandidata nga may manami nga sabat apang suportado sini ang desisyon sang mga judges nga ihatag kay Catamco ang korona.
Sa karun ginalauman ni Villarosa nga madala ni Catamco ang pangalan sang Bacolod sa National Stage kag posible pa nga mangin representative ini sang Pilipinas sa International Stage.
