Magabaton sang Diamond Lifetime Achievement Award ang Chairman sang Florete Group nga si Dr. Rogelio Florete kadungan sang Iloilo Charter Day subong nga adlaw, Agusto 25.
Sa ginpagwa nga Executive Order No. 098 ni Iloilo City Mayor Jerry Treñas, nasaad nga kada Agusto 25 sang tuig, ginasaulog ang Iloilo City Charter Day nga isa ka special non-working holiday.
Diri kag hatagan man sang pasidungog ang Ilonggo nga may dako nga kontribusyon sa pagpasanyog sang Iloilo City.
Isa sa mga awardee amo si Dr. Rogelio Florete sa diin ginakilala sang Iloilo City Government ang iya indi matupungan nga kontribusyon sa patag sang Mass Media.
Nahibaluan nga si Dr. Florete amo ang Chairman sang Florete Group nga ginatapuan sang media, banking, real estate development, pawnshop, aquaculture bulk water distribution kag mall development.
Lakip man sa mga kilala nga Ilonggo nga magabaton sang Diamond Lifetime Achievement Award amo sanday former Senate President Franklin Drilon sa patag sang Public Service;kag Jose Mari Chan sa patag naman sang Arts and Music.
Magabaton naman sang Lifetime Achievement Award sanday: Filipino-Chinese businessman Alfonso Uy, hotelier Dr. Henry Chusuey, landscape architect Sergio Peñasales, Oncologist Dr. Engracio Cortes kag Filipino chess grandmaster Eugenio “Eugene” Torre.
Patigayunon ang awarding karon sa gab-i sa Grand Xing Imperial Hotel sa Iloilo City.
