Nagapati si Bacolod City Vice Mayor El Cid Familiaran nga magasaka ang numero sang mga pumuluyo nga luyag magpakuna kun magasige ang information education campaign tuhoy diri.
Madumduman nga 5-10% lang sa kada household ang interesado nga magpabakuna santo sa pahayag ni ABC President Lady Gles Gonzales Pallen sa ila ginpatigayon nga survey.
Sa interview sang Bombo Radyo kay Familiaran, nagapati ini nga sa dalayon nga pagkampanya kag pagpabalo sa mga tawo, magasaka man ang rate sang mga luyag magpabakuna.
Suno sa bise-alkalde, lain gid kun may depensa sa lawas bangud apisar nga matapikan gid man sang virus, mild lang ini kag asymptomatic sang sa indi magpabakuna kag malatnan sang balatian.
Aminado man ini nga normal lang sa reaksyon sang mga pumuluyo ang magkahangawa kag magkakulba sa mga posible nga epekto sang COVID vaccine apang ini ang isa sa mga pamaagi agud magbalik na sa normal ang pagpangabuhi sang tanan.
