Nagpangayo sang pasaylo ang chairman sang Quarantine Action Center sa ciudad sang Bacolod sa mga nag-abot nga repatriates nga wala nasatisfy sa quarantine center nga ginhatag sang ciudad.
Sa interview sang Bombo Radyo Bacolod kay Atty. Renecito Novero, ginpahayag sini nga indi kattungdanan sang ciudad nga maghatag sang comfort sa mga pumuluyo sa baylo katungdanan sini nga mangin hilway ang mga pumuluyo sa coronavirus disease 2019 (COVID-19).
Gustuhon man sang ciudad nga masatisfy ang tanan apang ang eskwelahan lamang ang masarangan sang ciudad nga itanyag sa mga repatriates.
Naintindihan man sang ciudad ang sitwasyon sang mga ini apang ginahingyo nga magintindihanay lamang ang tanan bangud nagapangatubang sang krisis ang tanan.
Suno pa diri may yara sang ginasunod nga protocol ang tagsa ka Local Government Unit LGU sa mga repatriates apang napilitan lamang ang ciudad nga batunon ang mga ini.
Nagapangayo man ini sang paghangop sang tanan.