Para sa chairperson sang committee on energy sa Sangguniang Panlungsod, klaro kag napaathag sang Prime Electric Holdings Incorporated ang ila nga plano para sa joint venture agreement.
Sa interview sang Bombo Radyo kay City Councilor Kalaw Puentevella, sa presentasyon sang Prime Electric sang Byernes nga ginpangunahan sang presidente sang More Power, Roel Castro, napa-athag sini ang plano sa pag pa-upgrade sa system kag equipment sang CENECO.
Suno kay Puentevella, nahatagan sang pagpa-athag ang nga konsehal sa technicalities, taxes nga pagabayaran kag kun ano ang ila nga tikang kun sila ang madayon nga mapadalagan sang elektrsidad sa ciudad.
Ginpa-athag man sini sa maga konsumedor ang gina-ekspektaran nga improvement sa kuryente kumpara sa subong nga electric company nga makapila na ginareklamo kag ginahatagan sang suhestyon apang tubtob sa karun wala sang improvement.
Para sa iya, bilang chairman sang committee on energy, pamliyar na ini sa iya ang nabatian nga presentasyon kag iya nakita ang importansya sang JVA.
Nasumiter naman sini sa konseho ang kontrata sang JVA agud ila matun-an inkaso nga sila may palamangkutanon.
Aminado si Puentevella nga malawig na ang problema sa kuryente, sa nagaka-eksperyensyahan nga brownout, fluctuation, kag low voltage, gani para sa iya dapat na gid man islan ang mga gamit sang CENECO nga tuman na gid man kadaan.
Pahayag ni Puentevella, kinahanglan sang tanan ang serbisyo sang JVA ila na sa paglapad sang komunidad, pagdamo sang negosyo, gani dapat may yara man sang dako nga improvement sang kuryente.
