Wala na ginkakibot pa sang chairperson sang Committee on Transportation and Traffic sa Sangguniang Panlungsod sang ciudad sang Bacolod ang ginpatigayon nga rally sang mga transport groups.
Sa interview sang Bombo Radyo Bacolod kay Councilor Al Victor Espino, kahapon nakighinon-anon si Bacolod City Mayor Alfredo ‘Albee’ Benitez, kaupod ang mga lider sang transport groups lakip na sanday Bacolod Alliance for Commuters, Operators and Drivers Incorporated (BACOD) president Rudy Catedral kag Kabakod Negros Transport Coalition Incorporated (KNETCO) president Lilian Sembrano.
Suno diri, nagdugay sa isa ka oras ang pagsinapol kun sa diin ginpabutyag sang transport groups ang ila panawagan nga ginpamatian man sang alkalde.
Nagpasalig ang alkalde nga sila ang buligan nga mahatagan sang Provisional Authority.
Ini man ang ginpalakpakan kag gin-ugyonan sang mga transport groups.
Nahibaluan man nga may yara sang isa ka event sa L’Fisher Hotel sa isa ka private ogranization kag didto nabatian nga magapadulong ang officials sang Land Transportation Franchising and Regulatory Board (LTFRB) kag Department of Transportation (DOTr).
Ginpamangkot ni Espino ang duha ka lider kun sila bala ang magapatigayon sang rally kag wala naman nagsabat ang duha.
Pahayag sang konsehal, wala ini naluoy sa mga lider sang transport group apang naluoy ini sa mga miyembro nga amo ang gin-into kag ginpahog lamang.
