Dako nga kabutigan suno sa chairperson sang Committee on Transportation and Traffic sa Sangguniang Panlungsod sa ciudad sang Bacolod ang pahayag sang transport group nga ginapamatokan sini ang pag-atubang nila kay Bacolod City Mayor Alfredo ‘Albee’ Benitez.
Sa interview sang Bombo Radyo Bacolod kay Councilor Al Victor Espino, chairperson sang Committee on Transportation and Traffic, wala sang kamatuoran ang pahayag sang mga lideres sang transport group nga nagapalamabag ini nga ila maatubang ang alkalde bangod nga isa ka adlaw antes ang ginpatigayon nila nga rally protesta sa dalan Lacson sang Setyembre 18, nakighinon-anon na ang mga ini kay Benitez.
Dugang pa sini, siyam tanan ka resolusyon ang ginpasa sa SP kag tanan ini ang iya ginsuportahan nga amo ang nagbulig sa mga transport groups nga makapadulong sa senado.
Pahayag ni Espino, sa karun mas nagafocus na ini sa mga drivers kag members sang transport groups nga amo ang nagakaapektohan.
