Nagapanindugan ang Chairperson sang Committee on Transportation sa Sangguniang Panlungsod sa ciudad sang Bacolod nga legal ang operasyon sang Metro Towing Services nga ginpatigayon sa dalanon sa ciudad sang Bacolod.
Sa intervew sang Bombo Radyo kay Councilor Al Victor Espino, wala nakaagi sa pocurement process ang towing services apang kumpleto ini sa dokyumento kag nagasunod man sa ordinansa sang Sangguniang Panlungsod.
Suno diri, wala sang irregularities sa trabaho sang Metro Towing Services.
Sa karun, luyag sini nga mag-set sang meeting kay Former Bacolod City Councilor Atty Archie Baribar, agud maesturyahan kun ano ang punto sini angot sa sulat nga iya ginpadala nga napasaka naman sa City Legal Office.
Sa bahin naman nga 25 percent ang makadto sa ciudad gikan sa mga colleciton kag 75 sa towing services, suno kay Espino, wala sang kwarta nga ginpagwa ang ciudad amo nga wala sang problema kun 25 percent lang ang makuha sini kun sa diin nakaginansya pa diri ang ciudad.
