Ginpahayag sang public information officer sang Department of Education Western Visayas nga indi pa mapaktan kun sin-o ang mangin champion sa Palarong Pambansa 2025 samtang madamo pa sang mga games ang wala natapos.
Sa interview sang Bombo Radyo Bacolod kay Hernani Escullar Jr. sa latest update sa medal tally as of 8:15 am sa overall standing, ang Western Visayas yara sa top 4 nga may 15 ka gold medal, 18 ka silver medal, kag 13 ka silver medal.
Suno diri, kahapon malapit lang ang standing sang Western Visayas kag CARAGA region apang sa karun nalapawan na sang Region VI ang Region VIII.
Sa karun nagapanguna naman ang National Capital Region nga may 34 gold medal, 18 silver medal, kag 13 bronze medal.
Pahayag ni Escullar tubtob pa sa Biyernes ang hinampang kag may 96 pa ka games ang wala natapos nga amo sa karun indi pa mahambal kun sin-o ang mangin champion.
Nagapati man ini nga dako pa ang tsansa sang Western Visayas nga mapasaka ang standing sini sa karun nga malawig pa ang hinampang kag wala pa man sang official results.
