Ginpatigayon na kaina sang aga ang change of command ceremony sang 303rd Infantry Brigade sang Philippine Army kasunod sang pagpungko sang bag-o nga commander sini.
Ginpangunahan ang change of command ceremony ni Armed Forces of the Philippines Visayas Command commander Lt. General Benedict Arevalo.
Ang bag-o nga nagpungko nga commander sang 303rd Infantry Brigade sang Philippine Army amo si Col. Orlando Edralin kun sa diin ginbuslan sini si Col. Michael Samson nga sa karun ang ginsaylo sa 301st Infantry Brigade sang Philippine Army nga nakabase sa Dingle, Iloilo kun sa diin ginahulat pa sa karun ang approval sa pagpungko sini bilang bag-o nga commander.
Pormal na nga nagpungko nga commander sang 303rd Infantry Brigade sang Philippine Army si Col. Orlando Edralin.
Suno kay Edralin, bilang bag-o nga padayunon sini ang mga programa kag mandato sang Philippine Army kag mas pasanyugon pa ang intelligence agud nga maneutralize ang nabilin nga Communist Terrorist Group sa area of responsibility sang 303rd Infantry Brigade sang Philippine Army.
